నాలోని నీకు ..!

చిన్నప్పుడు  అన్నం  తినకపోతే  బూచోడు  వస్తాడు అన్నది  ఎంత  నిజమో  ..!

పెళ్ళయితే  సంతోషం  దూరమౌతుందని  అనేది  అంత  నిజం ..!

తల్లి  ప్రేమ  స్వార్ధం  అనేది  ఎంత    అబధ్దమో ..!

ఆలి  మనసు  కర్కశం  అనేది  కూడా  అంత   అబద్ధం ..!

ఉత్త్తర  దక్షిణ  ధ్రువాల  వల్లే  భూమి  సక్రమంగా  భ్రమిస్తుంది ..

భార్యభర్తల  వల్లే  సంసార  చక్రం  సక్రమంగా  భ్రమిస్తుంది ..

కంటికి  రెప్పలా  తోడుండేది  అమ్మ  ప్రేమయితే  ..!

కలలో  కూడా  కంటికి  రెప్పలా  తోడుండేది  భార్య  ప్రేమ  ..!

మన  కోసం  సర్వసం  ఇచ్ఛే  తల్లి  ప్రేమ  గొప్పదయితే  ..!

మన  కోసం  సర్వసం  వదులుకొని  వఛ్చిన  భార్య  ప్రేమ  అంత  కంటే  గొప్పది ..!

నీ  భార్య  నీకు  భారం  అనిపిస్తే  ..  దానికి  కారణం  నువ్వు   చేసిన  పాపం  ..!

నీ  భారం  నీకు  భాగం  అనిపిస్తే  ..  దానికి  కారణం  నువ్వు  చేసిన  పుణ్యం, నీ  భార్య ..!

మూడేళ్ళ  పసివాడు  మొండి  చేస్తే ..  సముదాయించ  గలిగేది  అమ్మ  ..!

ముప్పయేళ్ల  పసివాడు  మొండి  చేస్తే  .. సముదాయించ  గలిగేది  భార్య .!

మనిషికి  వున్న  గుణాల్లో  గొప్ప  గుణం ..  క్షమా గుణం  ..!

మనిషికి  ఉండాల్సిన  ప్రాధిమిక  గుణం  కృతజ్ఞతా గుణం  ..! 

ఇన్నీ  రోజులు  నాకు.. నా  వాళ్లకు  సపర్యలు  చేసిన  నా  సగ  భాగానికి  నా  కృతజ్ఞతలు  ..! ఇంత  కంటే  ఏమి  చెప్పగలను  ..!

కొరోనా కోరల్లో నా భారతదేశం

   

     సొమ్మొకడిది ..  సోకొకడిది .. అన్నట్టు.  తప్పొకడిది  శిక్ష  అందిరిది  అయ్యింది.
దురాశ  దుఃఖానికి  చేటు  అంటారు .  కానీ కొంత  మంది  దురాశ  వల్ల  ప్రపంచం  మొత్తం  దుఃఖిస్తుంది.  ఇది  ఎవరి  కుట్రయినా ,  తప్పిదమైనా , శాస్త్ర  విజ్ఞాన  దుష్ప్రభావాలైనా  ప్రపంచం  ఇంతటి  భారీ  మూల్యం  చెల్లిస్తుంది .

        మన  దేశం  పై  చిన్న  చూపున్న  చైనా  దేశానికి  భస్మాసుర   పథకాన్ని  రుచి  చూపించి,  సూర్య కాంతి  పూతోట  లాంటి  నా  దేశాన్ని కాలుడి  కారు  మబ్బు  కమ్మినట్టు  కమ్ముతూ  వస్తుంది  ఈ  రక్కసి . రావణ  కాష్టం  లాగా  చైనా , అమెరికా , ఇటలీ , స్పెయిన్  దేశాల్ని  దహిస్తూ  నా దేశంలో  సేద  తీరేందుకు  సన్నద్ధం చేస్తుంది.

        ప్రపంచం  మొత్తం  జయించాలనే  ఆ  విశ్వ  విజేత  గ్రీకువీరుడు  అలెగ్జాండర్ ని  మించి  రాజ్యాలను  జయించావని  గెలుపు  గర్వం తో  వికటాట్ట హాసం  చేస్తూ  నా  దేశం  చేరావు .  ఓటమంటూ  ఎరుగని  ఆ విశ్వ విజేతని  ఓడించిన  పురుషోత్తముడు  పుట్టిన  పుణ్య భూమి  ఇది.  గుర్తుంచుకో   నీకు  అంత్యక్రియలు  చేసే  సమయం  ఆసన్నమైంది.

        వేదం  ఉద్బవించిన  దేశం  నాది,  ఆయుర్వేదం  పురుడు  పోసుకున్న  దేశం  నాది,   ప్రపంచానికి  సంస్కారం  నేర్పించిన  దేశం  నాది. కొండను  ఢీ కొట్టిన  పొగరుబట్టిన  పొట్టేలు  వలె .. నా  దేశాన్ని  ఢీ  కొట్టాలనుకున్న  నీ  కణాలు  రోదిస్తూ  నశిస్తాయి ..!